Ótrúlegt fylgi

Það er með ólíkindum að Sjálfstæðisflokkur, Samfylking og Framsókn skulu vera með 60% þjóðarinnar á bak við sig. Hjá þessum fylkingum hefur ógeðið sullast upp úr hverju spori sem stigin hafa verið undanfarin ár. Spilling, mútur og ótakmarkaður stuðningur við auðvaldið á kostnað almennings. Og 60% fylgi.  Og ekki er V.G. valkostur með öfgasinnuð náttúrutröll innanborðs auk ríkisvæðingarstefnu sem og hengingaólarlengingu sem aðal lausn á öllum vandamálum. Þjóðin er snargeggjuð. Það eru aðrir möguleikar í boði.  

Samfylkingin enn stærst

Hann er eins og naut í flagi

En ef þarna er spilling og misbeiting valds, en ekki bara biturð Ólafs, þá kemur hann bara vonandi upp um það.

Ólafur F.: Framsóknarvæðing í borgarstjórn

Strákar munu alltaf slást

En það sem er svo mikill aumingjagangur er að það skuli margir ráðast á einn. Strákar í dag eru svo ótrúlegir ræflar að þeir þora ekki að gefa þeim sem þeir eiga sökótt við á kjaftinn nema að hafa 10 manns á bak við sig. Og að sparka í liggjandi mann lýsir einhverri mestu ómennsku sem til er. Strákar munu alltaf slást en þeir eiga að hafa þann manndóm í sér að gera upp málin maður á mann. Það eru alvöru karlmenn. Að safna liði getur hver sem er og á ekkert skilt við annað en aumingjaskap.

Hópur unglinga réðist á einn

Einfalt mál

Það sem er stærsta breytingin er að það er verið að gera eitthvað. Ekki bara verið að bíða eftir að ástandið lagist. 18 mánaða frestur á að missa hreiður fjölskyldunnar út úr höndunum getur orðið til þess að málin bjargast. Við erum hvort eð er flest upp fyrir haus í skuldum svo varla versnar ástandið mikið. Eftir 18 mánuði getur margt hafa breyst. Fyrirvinnur heimilisins verða kannski komin með vinnu aftur og sjá fram á bjartari tíma. Vextir verða kannski farnir að nálgast það sem gerist hjá siðmenntuðum þjóðum sem ekki nota bankana sem skjól fyrir þá sem eru svo samviskulausir og fégráðugir að víla ekki fyrir sér að rýja þjóðina inn að skyrtunni. Kannski eftir 18 mánuði verður þjóðin farin að sjá að vinstri stjórn er ekki eins hættuleg og frjálshyggjan, sem lítið er nú nema nafnið, vill vera láta.

Verið þið róleg. Það sem frjálshyggjan rústaði á 6 árum tekur meira en 2 vikur að laga.

Kröfur fyrnast á tveimur árum

Ósannfærandi stjórnarandstaða.

Töluvert er gert af því þessa dagana að gera skoðanakannanir um fylgi flokkanna. Niðurstöðurnar undanfarið haf komið nokkuð á óvart, sérstaklega hvað rústlituð frjálshyggjan er að koma vel út, og er að mælast með um 25%. Það er lygilegt fylgi miðað við það sem á undan er gengið, svo ekki sé nú fastar að kveðið. Flokkur sem lofar að styðja núverandi ríkisstjórn til góðra verka en missir sig svo í þann barnaskap að saka stjórnarflokkana um að stela frumvarpinu á alla jafna ekki að mælast með neitt fylgi vegna þess að svona framkoma á alþingi Íslendinga er lítilsvirðing við þjóðina.  Ég tek það fram að þetta meiga allir alþingismenn taka til sín  Ef þið sjálfstæðismenn hefðuð nú samþykkt frumvarpið um greiðsluaðlögun, vegna þess að það var eitt af þeim atriðum sem þið voruð að vinna að, þá hefði ég hugsað, “ætla sjálfstæðismenn nú að fara að hugsa um okkar hag allt í einu”. Hugsið ykkur athyglina sem þetta athæfi hefði fengið. Á forsíðu blaðanna hefði staðið “SJÁLFSTÆÐISMENN Í STJÓRNARANDSTÖÐU STYÐJA RÍKISSTJÓRNINA TIL GÓÐRA VERKA”. Í staðinn missið þið ykkur í þrætuleik sem 5 ára börn í leikskóla missa sig stundum í. “Þú tókst kappakstursbílinn minn”, “ ég var með þessa dúkku”. Fyrir vikið hljómið þið eins og ósannfærandi, bitur grátkór með alvarleg fráhvarfseinkenni og ættuð í fúlustu alvöru að fá áfallahjálp af sverustu gerð.   En aftur að þessu undarlega mikla fylgi sem íhaldið enn hefur. Ég hef áður minnst á í skrifum mínu hvernig sumt fólk heldur með sjálfstæðisflokknum eins og fótboltaliði. Svo er annað sem ég var að velta fyrir mér um daginn að allt að 36 ára gamalt fólk,  sem fór kannski að velta fyrir sér stjórnmálum 18 ára, eða um það leiti sem kosningarétturinn datt inn um lúguna, þekkir ekkert annað en að sjálfstæðisflokkurinn sé við völd. Og þá spyr maður sig hvort að það sé ekki eðli mannsins að vera hræddur við hið óþekkta. Þ.e.a.s. þessi aldurshópur er að upplifa vinstri stjórn í fyrsta skipti. Og sjálfsagt liggja hægrisinnaðir feður og mæður ekki á lið sínu að hræða börnin með þessum vinstri mönnum, svipað og tröll, Grýla og annar ófénaður var notaður hér áður fyrr til að fá börnin til að haga sér og virða mannasiði. Þetta unga fólk hefur þá afsökum að hræðast hið óþekkta, þeir sem eldri eru og enn styðja íhaldið eru sjálfsagt í töluvert meiri vandræðum með ástæður. Eða eigum við frekar að segja afsakanir.  Ég verð að kom aðeins inn á það hversu ótrúleg upplifun það er að hitta þetta fólk sem heldur með sjálfstæðisflokknum. Það sem að er í dag er öllu og öllum öðrum að kenna en íhaldinu. En hver var það sem setti engar reglur fyrir fjármálakerfið að fara eftir? Voru það ekki frjálshyggjusinnaðir einfeldingar sem trúðu því að allir yrðu sanngjarnir? Eða það sem verra er, héldu að kerfið myndi sjá um sig sjálft, að samkeppnin og markaðslögmálið, sem er náskylt frumskógarlögmálinu, sæji um að halda öllu í jafnvægi. Og trúa því jafnvel enn. Ástandið sem nú er er þá bara liður í nauðsinlegri hreinsun svo nýjir og enn meiri snillingar komist að við gullslegið borð græðginnar. Alveg er það magnað að áðurnefnt lögmál, sem skinlausar skepnur lifa eftir í frumskógum og á sléttum Afríku, skuli vera það sama og viss hópur manna aðhyllist í þeim tilgangi að sölsa undir sig sem mest og eignast oft margfalt meira en nokkur maður getur höndlað. Þetta fólk skilur ekki að það lendir á okkur hinum, sem ekki höfum áhuga á að eignast meira en við getum höndlað og þurfum á að halda, að taka til eftir veisluna ykkar. Okkar stærsta áhugamál er jafnframt gott framtak og mikil áskorun.  Að vanda okkur við uppeldi barnanna okkar svo að þau verði ekki eins og þið.

Kanslari Þýskalands á að vera fyrirmynd

Hún Angela þeirra þýskara er sögð haf hótað þeirra útrásarmönnum að kæmu þeir ekki með féð heim yrðu þeir handteknir og eigurnar frystar.

Hvaða linkind er hér í gangi gagnvart þessum þjófum. Mestu þjófum í heimi. 

Erlendar skuldir þjóðinni ofviða

Fyrirtækin sem fjármagna selja sína á tombólu

Þar er held ég ekkert fyrirtæki undanskilið. Dæmið gengur þannig fyrir sig að bíllinn er hirtur af þeim sem ekki standa í skilum. Svo er bíllinn seldur fyrir gjafverð oft á tíðum, og stundum er verðið svo lágt að maður gæti haldið að starfsmenn fjármögnunarfyrirtækjanna væru stundum að láta vini og vandamenn hafa bíla fyrir lítið. Fyrir fyrirtækið skiptir þetta oftast engu máli því að fyrri eigandi er rukkaður um mismuninn á höfuðstól lánsins og söluverði bílsins. Í þeim tilfellum sem um bíltegund er að ræða sem lítill markaður er á bakvið, getur þetta haft gíðarleg áhrif á verðlag bílanna til lækkunar sem getur verið mjög erfitt fyrir bæði viðkomandi bílaumboð sem og alla eigendur slíkra bíla. Siðlausir viðskiptahættir sem ekki eiga að þekkjast og jaðra við þjófnað.    

Alkul í bílasölu

Krónan er okkur of dýr

Við eigum án vafa að taka upp annan gjaldmiðil og allt bendir til þess að meirihluti þjóðarinnar sé andvígur aðild að ESB.  Ég tala nú ekki um ef tekinn er upp annar gjaldmiðill.  Hitt er svo annað mál að kannanir benda til þess að meirihluti sé fyrir því að fara í aðildarviðræður og kanna hvað á að bjóða okkur.  Krónan er aftur of dýr fyrir svo lítið samfélag. Við stöndum ekki undir kostnaðinum sem hlýst af því að halda þessu krónuóláni á floti. 

Ísland ætti að taka upp breska pundið

Rangtúlkanir og afglöp

En voru það ekki afglöp þegar Þorsteinn pabbastrákur var settur fram fyrir sér hæfari menn í  ráðuneiti Björns B. Og voru svo ekki rangtúlkuð orð umboðsmanns alþingis þegar hann sagði settan dómsmálaráðherra hafa brotið lög. Allt eru þetta afglöp og rangtúlkanir sjálfstæðismanna sem eru svo sestir í dómarasætið um leið og þeir telja að dæma þurfi verk annara.

Árni Matt er ofan á allt annað búinn að ákveða að bjóða sig fram í 1. sæti í suðurkjördæmi eftir að hafa sýnt þjóðinni berlega hversu siðblindur hann er. Ef Árni fær kosningu þá sannar það mína kenningu, að flokkarnir eru orðnir eins og ofverndandi móðir sem engu illu trúir upp á börnin sín. Maður sem sýnir svona framkomu eins og Árni Matt. á samkvæmt öllu að hverfa af vettvangi stjórnmálanna í næsta prófkjöri.  

Björn: Réttmæt ábending Davíðs

Volgur er stóllinn og mun ég hvergi fara

Davíð er örugglega ekki slæmur maður. Davíð ætlaði vísast ekki að málin þróuðust svona. Kannski var þetta óviljaverk að láta rýja þjóðina innað skyrtunni í reglulausu frjálshyggjusukki. En að lemja svo á þjóðinni með endalasum og árangurslausum hækkunum á stýrivöxtum. Það var allt sem hann hafði upp á að bjóða. Vaxta og verðbólguhækkanir. Og þó allt benti til að vaxtahækkanir hefðu hækkandi áhrif á verðbólgu þá var haldið áfram. Hækkaðir stýrivextir voru lausn á öllum vandamálum, þenslu, samdrætti og verðbólgu. Ég get bara ekki séð að árangurinn sé ennþá kominn, ekki einu sinni hérna megin við sjóndeildarhringinn. Mér er slétt sama hvað hans meðseki félagi, prófessorinn Hannes Hólmsteinn, hamrar á sakleysi Davíðs, því sekir eru þeir um að koma hér á reglulausu frjálsræði að fyrirmynd Miltons en þeir leifðu sér að horfa framhjá aðvörunum höfundarins um að sterkur gjaldmiðill væri grundvöllur kerfisins og afleiðingarnar eru gjaldþrota þjóð. Það að stuðla að gjaldþroti þjóðar sinnar og þurfa að víkja þegar allt er á hvínandi kúpunni er varla auðvelt, en það verður Davíðs hlutskipti engu að síður.

Stígðu upp karl minn og takk fyrir allt gott sem þú hefur gert, en það sem þér mistókst verður örugglega fyrirgefið í þeirri trú að um gáleysi hafi verið að ræða.

Davíð segir ekki af sér