Ekki mjög trúverðugt

Þegar fólk er farið að beita ofbeldisfullum mótmælum gegn hernaðarbandalagi þá er skotið yfir markið. Ofbeldi gegn ofbeldi. Af hverju í ósköpunum eru takmörk lögreglunnar ekki virt. Svona mótmæli, sem eru farin að snúast um baráttu lögreglu og mótmælenda, missa alltaf marks. Umfjöllunin og athyglin verður þá á lögreglunni en ekki á málstaðnum. Að vera þreytandi í langan tíma með pottaglamri og sleifaslætti er vænlegra til árangurs en árásir á lögverði sem eru jú bara fólk að vinna vinnuna sína.

Lögregla beitti piparúða

Athugasemdir

[Inga Lára Helgadóttir, 28.1.2009 kl. 21:41]

Alveg sammála þessu hjá þér.... þetta er orðið út í hött !

Kveðja,

Inga Lára

[hilmar jónsson, 28.1.2009 kl. 21:42]

Það sem er frétt í þessu er að lögreglan er farin að beita aðferðum sem ekki eru okkur sæmandi.

[corvus corax, 28.1.2009 kl. 22:06]

Ástandið er nú orðið þannig í lögregluofbeldisríki spillingarráðherrans Björns skaufhala Bjarnasonar að það má ekki líta í áttina til lögreglunnar án þess að eiga von á piparúða eða kylfubarsmíðum. Það er mikið tilhlökkunarefni að þegar fíflið hann BB hefur drullað sér út úr dómsmálaráðuneytinu hefst tiltekt í lögreglunni. Þá verður vonandi veruleikafirrti lögreglustjórabjáninn látinn fjúka og líka heilalausu steraklumparnir í löggunni sem eyðileggja orðspor drengilegra félaga sinna.

[Brynjar Björnsson (IP-tala skráð) 28.1.2009 kl. 22:17]

Ávallt reiðubúinn með veruleikafirrtu spakmælin þín, "corvus corvax".

[Magnús Vignir Árnason, 28.1.2009 kl. 22:30]

Mér þætti vænt um að orðljótir bloggarar sem ekki treysta sér til að koma fram undir nafni héldu sig utan við mína bloggsíðu.

[Einar Ólafsson, 28.1.2009 kl. 22:41]

Málið er nú það að það var ekki verið að beita neinum ofbeldisfullum mótmælum. Ég var þarna á staðnum til klukkan um átta. Lengst af stóð fólkið rólegt með eitthvað til að láta glamra í. Einhverjir brenndu NATO-fána og þá stukku lögreglumenn til þótt ekkert væri þar í hættu, síðan var farið bakvið húsið, einhverjir köstuðu snjóboltum að húsinu, en ég gat ekki séð að mótmælendur væru í einhverjum ofbeldishug, og vissi ekki hvaðan á mig stóð veðrið þegar ég sá lögreglumenn komna í slagsmál við einhverja einstaklinga, - ég hélt satt að segja að þeim hefði svo verið sleppt enda varla neitt tilefni til handtöku. Það var ekki fyrr en eftir á sem ég frétti að einhver hafði orðið fyrir piparúða og sex manns handteknir. Þetta var bara fáránlegt.

[Magnús Vignir Árnason, 28.1.2009 kl. 22:57]

Ég á samt alltaf svo erfitt með að trúa því að löggan ráðist á fólk sem virðir þeirra varnarlínu og eigur annara.

[hilmar jónsson, 28.1.2009 kl. 23:05]

Ég er ekki að segja að lögreglan upp til hópa noti þjösnaskap. Hinsvegar upplifði ég það á eigin skrokki þriðjudaginn 21.1, að ofbeldi lögreglu gagnvart fólki sem ekki hefur sig í frammi er líka til.

[Magnús Vignir Árnason, 28.1.2009 kl. 23:28]

Það þykir mér leitt að heyra og vonadi ertu eða verður jafn góður eftir. Hættan er víst fyrir hendi bara við það að vera á staðnum. En dæmin um það eru ekki mörg. Ég enda samt einhvern veginn alltaf á sama stað, að virða beri mörkin sem sett eru.

Svo má rifja upp ykkur mótmælendum til varnar hvernig löggan hagaði sér þegar kínverska sendinefndin kom hingað.

[Ólafur Ingi Hrólfsson, 29.1.2009 kl. 01:03]

Magnús- ertu ekki í standi maður? Heldur þú að þetta lið hafi verið í pólitískum mótmælum?  Ó nei

þetta ofbeldisfólk fékk skýr skilaboð - ef þið kallið þetta mótmæli þá er ykkur óhætt að ráðast á ráðamenn - slasa lögregluþjón - spill eigum almennings og það verður bara allt í lagi.

Þau haldaáfram þangað til þeu verða stöðvuð - ef ekki af lögreglu þá af borgurum eins og okkur sem eru búnir að fá nóg.

Legg til að þú hafir frumkvæðið að því að kalla saman her fólksins. Til varnar Íslandi.

Ólafur I Hrólfsson

[Henning (IP-tala skráð) 29.1.2009 kl. 08:26]

Það er kominn upp hópur mótmælenda/óeirðarseggja hér sem mun nú nota hvert tælifæri til þess að ráðast gegn lögreglu og stjórnvöldum. Þetta er þekkt erlendis en fékk því miður loksins rætur sínar hér á síðustu vikum. Málsstaðurinn er aukaatriði fyrir þessu fólki.

[Magnús Vignir Árnason, 29.1.2009 kl. 10:12]

Ef ég þarf að berja lögguna til að teljast fullgildur réttlætissinni þá er ég viðvaningur, já. En einhverra hluta vegna held ég, Arnar Helgi, að þú skiljir ekki hugtakið sem þú ert að reyna að tjá þig um. Bentu mér í það minnsta á óréttlætið sem ég sýndi af mér ef þú telur þig svona mikinn sérfræðing.