Klu Klux Klan

Spillingin á Íslandi kemur til með að halda áfram meðan núverandi stjórnvöld halda um taumana. Skýringin er einföld. Svona stjórnarhætti, eins og viðgengist hafa hér, stunda ekki nema algerlega siðblindir menn. Það lýsir sér vel í því að dökkbláu íhaldsmennirnir kenna ýmist framsókn um klúðrið eða vonda karlinum í Ameríku sem fann upp undirmálslánin. Hér gekk allt eðlilega fyrir sig þangað til þessar skepnur í USA klúðruðu þessu. Geir H. sagði í dramatískasta ávarpi sem þjóðin hefur fengið í andlitið frá upphafi sjónvarpsútsendinga, að ekkert yrði eins og áður. Verður þá íhaldsmaður blótsyrði núna, eins og framsóknarmaður eða kommonisti var áður? Þykir þá fínt að kjósa Vinstri Græna hér eftir en púkó að kjósa þjófótt, siðblint og valdhrokaspillt íhaldið? Ef sést jakkafataklæddur, sjálfumglaður maður á Range Rover leggja dýra bílnum í 33 gráður í stæði fyrir fatlaða, verður þá sagt ,,þetta er helv. íhaldskurfur”? Verða það Vistri Grænir sem verða með Pizzu og kaldan á boðstólum til að hjálpa óákveðnum kjósendum að kjósa? Verða þeir kannski með lokað flokksbókhald svo að garðyrkjumennirnir sem borga í púkkið njóti nafnleyndar? Þeir fá svo ódýrt rafmagn í staðinn, ódýra hitaveitu og verndartolla á grænmeti. Eða verður það Framsókn?Ég get ekki að því gert að hugsa með mér, þegar ég hugsa um hörðustu, bláustu, hægrisinnuðustu íhaldsmenn (þessi 10%) sem dýrka og tilbiðja frumskógarlögmálið í viðskiptum sem öðru, hvernig menn geta verið svona samfélagslega vanþroskaðir? Sumir þessara manna hafa bloggað um sína sýn á málin þessa dagana og það versta sem þeir sjá eru ríkisafskiptin. Það á bara að leifa öllu að fara á hausinn. Alveg sama þó siðblindir fjárglæframenn dragi saklausar fjölskyldur með sér í svaðið, sem eru eingöngu að reyna að koma sér þaki yfir höfuðið og búa börnunum það öryggi sem þau þurfa í uppvextinum. Alveg sama þó allar ríkisstjórnir um allan heim séu að berjast við að halda heimilunum gangandi. En flestir eiga það sameiginlegt að tjá sig undir dulnefni. Eins og Klu Klux Klan meðlimir með hettuna á hausnum. Ég verð ekki sáttur, og þetta er það sem flestir landsmenn tala um og er þjóðþrifamál, fyrr en við fáum peningana okkar, þýfið, aftur heim. Þó ekki væri nema til að lina sárustu þjáningar sparifjáreigenda á Íslandi. Fyrr fá landsmenn ekki þá tiltrú sem þarf að vera á kerfinu, stjórninni og yfirvöldum á landinu yfirleitt. Skepnurnar sem mokuðu fénu okkar svo í eigin vasa, á svo að setja í gapastokk á torgum til að fólk geti virt þá fyrir sér og sýnt þeim sömu lítilsvirðingu og þeir sýndu okkur. Ég legg til að við byrjum á því að gefa þeim séns á að gefa sig fram og skila peningunum.Það er mannlegra. Og fyrst við erum farin að tala um mannlega þáttinn þá vildi ég ekki vera í sporum Geirs og Davíðs. Eftir misheppnaða tilraun til að láta frjálshyggjukefið ganga á Íslandi, væru þeir best settir með að viðurkenna mistök sín og fara frá völdum, boða til kosninga og leifa næstu stjórnarstefnu að gera tilraunir á landanum næstu árin. Hver veit nema að þeir komist ennþá dýpra í vasa okkar en fyrirrennararnir. 

Gjaldeyrisskiptasamningar virkjaðir

Hættum að borga, núna.

   Undanfarin ár hafa ákvarðanir af stjórn landsins verið meira og minna teknar til handa fámennum            f(j)ársjúkum mönnum en ekki með hagsmuni okkar almennings í huga. Ég hef oft og lengi velt því fyrir mér, hvort það sem að er á Íslandi, sé að stjórnvöld í landinu séu algerlega óttalaus gagnvart almenningi. Að stjórnin sem hefur verið við völd undanfarin ár beri ekki snefil af virðingu fyrir kjósendum sínum. Allt bendir til þess að svo sé því allar vaxta og fjárhagsákvarðanir sem teknar hafa verið, verða til þess að bankarnir græða meira og stjórnendur þeirra maka krókinn. Allt sem gert hefur verið, hefur orðið til þess að farið er dýpra í vasa almennings.    Haldið þið gott fólk að milljarðurinn sem Bjarni Ármannsson, Glitnisforkólfur til margra ára, flutti með til Noregs, hafi vaxið á trjánum eða innan um rótargrænmetið, úti í garði hjá honum?  Nei það er ekki svo, við erum að borga hann í formi okurvaxta og verðtryggingar. Haldið þið að gengishagnaðurinn sem menn eru að stinga í vasana  þessa dagana komi úr morgunkornspakkanum á sliguðu matborði bankanna og þeirra sem leika sér að því að taka skortstöðu í krónuræflinum okkar?  Nei kæru landar, við erum að borga hann með himinháum afborgunum af erlendu lánunum okkar.    Á þessum einkavinastuðningi stjórnvalda þarf að verða breyting, og það strax. Öll sú heilaþvottastarfsemi sem átt hefur sér stað undanfarin ár, að markaðurinn verði að fá að ráða genginu, Davíð verði að ráða vöxtunum, og verðbólga og verðtrygging sé einhvert óviðráðanlegt  skrímsli sem engin hefur stjórn á, verður að hætta, núna. Við verðum að hætta að hlusta á þessa þvælu, vegna þess að annars förum við öll á hausinn og herrarnir trítla með sjóðina, sem þeir eru búnir og eiga eftir að stela af okkur, til Noregs á eftir Bjarna.  Við verðum að segja ,,hingað en ekki lengra”.  Ég er sannfærður um að eina sem þessar skepnur skilja er að við hættum að borga af lánunum okkar. Öll með tölu. Hvert eitt og einasta okkar. Núna. Við verðum að draga stjórnvöld að samningaborðinu þar sem hlustað verður á okkar kröfur vegna þess að þegar innkoman á Íslandi stoppar þá hlýtur þeim að bregða. Krafan er, niður með vextina, núna, og ekkert væl meira um að það sé ekki hægt, þessir háu vextir hafa hvort sem er engin áhrif á verðbólguna. Verðbólgan á Íslandi er eingöngu gengisfallinu að kenna.  Og gengisfallið stórkaupum bankanna á erlendri mynt að kenna. Krafan er, burt með verðtrygginguna sem ekkert er nema faldir aukavextir handa bönkunum sem fjármagna sig erlendis og borga þar sjálfir enga verðtryggingu. Krafan er, binding krónunnar við annan sterkari gjaldmiðil, svo við hættum að blæða fyrir gengishagnað samviskulausra gróðafíkla.  Hvergi annars staðar í heiminum, við jafn góðar aðstæður og við búum við, fara stjórnvöld eins illa með kjósendur sína, fólkið sitt, í einhverju barnalegu gróða og valdatafli, og komast upp með.  HÆTTUM AÐ BORGA, NÚNA.

Píramítinn sem er að hrynja

Ef við hugsum okkur hagkerfið eins og píramíta þá væri verkafólkið í neðstu röðinni, svo kæmu atvinnurekendur, og koll af kolli upp á topp. Allir hafa það hlutverk að moka peningum upp á næstu hæð fyrir ofan og til að dæmið gangi upp verða þeir sem fyrir ofan eru að skila peningunum niður aftur, annars hljóta hæðirnar fyrir neðan að smá tæmast og hætta þess vegna að geta borið uppi efri hæðirnar sem alltaf eru að þyngjast. Sama gerist ef efri hæðirnar fara fram á meira en þeir í rauninni þurfa, þá gengur á birgðir neðri hæðanna og efri hæðirnar þyngjast óeðlilega. Dæmið gengur ekki upp þegar toppurinn á píramítanum fyllist, ekki frekar en keðjubréf gengur ekki endalaust, það einfaldlega getur það ekki. Sama er að gerast í heiminum og sérstaklega á litla Íslandi. Það er búið að moka svo miklu upp á topp, sem síðan er farið með burtu úr landinu og dreift í aðra píramíta sem engu skila til baka í okkar, að okkar hlýtur að tæmast smá saman. Og sérstaklega er ástandið orðið varhugavert þegar neðri kubbarnir í mannvirkinu eru farnir að fara upp á næstu hæð fyrir ofan og jafnvel skilja eftir skörð fyrir neðan sig. Þá getur byggingin ekki staðið lengi. Eins ef efstu kubbarnir eru sagðir vera fullir en eru í raun bara með slatta í og geta þess vegna engu skilað niður til baka.

Það er skemmtileg samlíkingin sem góður frændi minn og vinur, Grímur Jónsson, notar oft um hlutabréfin og eignirnar sem ganga kaupum og sölum. Hann kallar þennan magnaða leik,, heimskur, heimskari. Hann gengur út á að kaupa sér hlutabréf eð eign á einhverja umsamda upphæð og svo gengur leikurinn út á að finna einhvern heimskari til að kaupa það aftur á hærra verði en þú keyptir það á. Allir græða nema sá heimskasti. Og þá verðum við að vona að hann sé ekki mjög neðarlega í píramítanum svo hann taki ekki marga með sér í fallinu.                 

Ha ha ha ha ha

góður.  Ég skal samþykkja þetta ef eigendur bankanna borga okkur sangjarnt verð fyrir þá, ef Finnur Ingólfs skilar samvinnusjóðnum, ef dómaradrengurinn hans Davíðs verður látin hafa starf miðað við sína reynslu og sína menntun, ef krónuaðdáandi númer eitt, Davíð Oddsson, verður látinn segja af sér sökum vanhæfis,  ef Björn Bjarnason segir af sér þó ekki sé nema út af gasmálinu, ef Árni Matthisen segir af sér vegna undirlægjuhneigðar við seðlabankastjórann og vegna vanhæfis sem fjármálaráðherra,  ef verðtrygging yrði lögð niður á Íslandi og vextir hafðir í samræmi við það sem nágrannar okkar sem búa við svipuð  lífskjör,  borga í vexti, að gjaldmiðill okkar yrði þannig úr garði gerður að bankarnir á Íslandi og aðrir fjársterkir vogunnarsjóðir gætu ekki haft gjaldmiðil okkar að leiksoppi í gróðafýsninni sem hrjáir stjórnendur þessara fyrirtækja,að hér væru stjórnvöld sem hugsuðu um hag fjöldans en ekki fárra einkavina, að fatlaðir og aðrir sem ekki eiga þess kost að hugsa um sig sjálfir fái að lifa við öll þau lífsgæði sem þau geta notið, og síðast en ekki síst að konur fengju sambærileg laun og karlmenn. Svona svo eitthvað sé nefnt.  Hvað halda þessir asnar að þeir viti um Ísland og spillingu á Íslandi.  Það er engu líkara en þer hafi spurt Geir og byggt niðurstöðuna á hans umsögn.   

Spillingareinkunn Íslands lækkar

Virðing kemur ekki með búningnum

heldur er hún áunnin. Í fyrsta lagi er mikilvægt að menn viti hvað virðing er, í öðru lagi er ekki öllum gefið að ávinna sér virðingar og í þriðja lagi er útilokað að virðing sé öðruvísi en gagnkvæm. Hún getur ekki virkað í aðra áttina, lögreglubúningur og valdhroki færir engum virðingu.

Hitt er svo annað mál að ef það eru til vandasöm störf yfirleitt, þá eru það störf sem snúa að mannlegum samskiptum. Það hlýtur að vera vandasamt að greina á milli í hita leiksins, hvort þú ert með fól í höndunum sem ekkert skilur nema valdbeitingu, eða mann sem hægt er að tala við og leysa málið með á friðsamlegan hátt. Þar hlýtur reynsla að spila stóra rullu. Þarf þá ekki að borga þannig laun í þessu að menn tolli í starfinu?

Agaleysi ungs fólks er mjög ábótavant, það er staðreynd. Fólk sem er gagngert úti til að espa lögregluna er líka staðreynd. Lögreglumenn sem stunda valdnýðslu er staðreynd. Einelti lögreglunnar gegn einstaklingum er staðreynd.

Þetta er eins og annað, það er hægara um að tala en í að komast. Umræðan er samt af hinu góða og nauðsynleg. Lögreglan er langt frá því að vera yfir gagnrýni hafin frekar en aðrir. Stærsta áhyggjuefnið er samt fækkun lögreglumanna og þ.a.l. gríðarlegt vinnuálag á þeim sem starfið stunda. Það er skelfileg þróun á dögum sífjölgandi skipulagðra þjófagengja. 

      

„Ég skal drepa konuna þína!“

Davíð og Geir

Davíð er búinn að komast að því að ef hann heldur uppi stýrivöxtum þangað til verðbólga minnkar og gengið hættir að síga þá getur hann þakkað sér og sínum hagfræðingakór, sem æfir örugglega á hverju kvöldi, miðað við samhljóminn. Nákvæmlega eins og Geir, ef hann gerir ekki neitt þangað til ástandið lagast þá getur hann þakkað aðgerðaleysinu fyrir að ástandið lagaðist. 

Stýrivextir áfram 15,5%

Það er tilhlakk

hjá þjóðinni að þurfa að borga bruðlið og vitleysuna og milljarðana sem er búið að stela út úr fyrirtækjunum eins og Baugi og FL og stinga í áður fulla vasa Jóns Ásgeirs og félaga hans.  En það er víst alveg sama hvernig við setjum dæmið upp, við borgum þetta allt á endanum, og börnin okkar. Við skulum brosa og borga eins og venjulega og svo allir séu sáttir kalla það þjóðarsátt.

Það sem hefur ekki síst brugðist í okkar samfélagi í dag er að ekki skuli vera hægt að koma lögum yfir stærstu þjófana. Þvert á móti virðast þeir vera studdir af stjórnvöldum og gott ef þeir eru ekki stjórnvöld.    

Ennþá langt í þjóðarsátt

Hver borgar þessa vitleysu

Þetta gefur okkur sjálfsagt einhverja þekkingu en hún er því miður yfirleitt notuð í hernaðarlegum tilgangi.  Og hinn gallinn við þetta er að þegar milljónir manna svelta þá er svona tilraunastarfsemi lítils virði.  Þetta er satt, spáiði í þetta...... 

Hátíðarstemmning við hraðalinn

Forvarnargildi refsinga

 Augljóst er og margsannað að harðar refsingar fyrir glæpi af flest öllu tagi hafa gríðarlegt forvarnargildi.  En ég er með eina spurningu.  Er einhver rannsókn til sem segir okkur hvort forvarnargildi refsinga hefur áhrif á jafn veika einstaklinga og þá sem misnota börn kynferðislega? 

Fjallað um Íslending á reynslulausn í Svíþjóð

Yfirlýsingagleði

Af hverju er engin búin að segja barninu að það þarf líka að standa við stóru orðin?  Var ekki Britney litla frekar yfirlýsingaglöð á sínum yngri árum.  Einhversstaðar hefur henni orðið hált á svellinu.  Meydómshringurinn er góður en ég hefði hvatt hana til að hafa þetta fyrir sig.  Ég tek fram að hún á alla mína aðdáun og alla mína hvatningu.  Vonandi verður þetta til þess að hún eignast betri mann.  Vonandi verður þetta ekki til þess að hún giftir sig eftir 3 daga.  

Ekkert kynlíf fyrir hjónaband