Að láta henda sér út.

Það hlýtur að vera betra fyrir einhverra hluta sakir. Þessir menn eiga að vera búnir að segja af sér fyrir löngu en eins og mönnum sem hafa óbilandi trú á frumskógarlögmálinu er tamt, þá skal ekki látið í minni pokann fyrr en í fulla hnefana. Það skal barist fyrir vöxtunum, krónunni, verðtryggingunni, peningavaldinu og kapitalismanum til síðasta manns, síðasta blóðdropa, síðasta blaðsins sem hverfa þarf í pappírstætarann og fela spillingarslóðina eins vandlega og hægt er.

En þessi dagur er stór í sögulegu samhengi. Við erum að upplifa magnaða tíma. Og næsta sem við upplfum ef allt gengur eftir, er að seðlabankastjórninni verður hent út úr bankanum. Enda sýnist mér lítilsvirðing þeirra kumpána gagnvart landslýð, sem borgar nú öll þeirra mistök, vera óumdeilanleg.  

Seðlabankastjórar víki

Athugasemdir

[Jonni, 3.2.2009 kl. 07:00]

Heyr heyr

[corvus corax, 3.2.2009 kl. 11:16]

Fyrir Dabba drulluhala vakir nákvæmlega ekkert annað en hans eigin hagsmunir, allt annað er húmbúkk í hans huga.

[Jón Ólafur Vilhjálmsson, 3.2.2009 kl. 21:11]

Það á að leiða þá fyrir dómara og ákæra þá fyrir landráð af gáleysi.