Sýnum þolinmæði

Það er útilokað annað en að gefa þessu fólki meira en nokkrar vikur í að moka flórinn sem frjálshyggjan er búin að vera 18 ár að hægja sér í. 

Það spá allir þessari stjórn ekki langra lífdaga og ég skil þau vel að vanda til verks við gerð stjórnarsáttmála.

Það að auki er þessi ríkisstjórn búin að gera margt gott. Það geta allir séð sem vilja. Hinir sem ekki vilja gefa fólkinu séns og ekki vilja sjá það sem er verið að gera gott verða bara að halda áfram að berja hausnum við steininn með lokuð augun. 

Margir íhuga greiðsluverkfall

Athugasemdir

[Óskar Helgi Helgason (IP-tala skráð) 2.5.2009 kl. 16:41]

Heill og sæll; Vignir - og þakka þér; allt gamalt og gott !

Vopnuð átök; hljóta að verða, rétt handan við hornið, að óbreyttu. Slekti Jóhönnu Sigurðardóttur; virðist hatast út í okkur, almenna landsmenn, en fyrir hvað, myndu þau aldrei hafa manndóm til, að segja okkur.

Hér; virðist því stefna, í langviðri og lagaleysu alla, Vignir minn - nema krafta verk mættu til koma - þau yrðu þá; úr öðru sólkerfi, líklegast.

Með beztu kveðjum; austur yfir fljót /

Óskar Helgi Helgason 

[Magnús Vignir Árnason, 2.5.2009 kl. 16:58]

Sæll vinur minn.

Bjartsýni þinni eru ekki takmörk sett. 

[Óskar Helgi Helgason (IP-tala skráð) 2.5.2009 kl. 17:20]

Sæll; á ný !

Segjum fremur. Raunsæi mitt; kann stundum að vera - raunveruleika næst, því miður, stundum,, Vignir minn.

Með; hinum beztu kveðjum - sem þeim fyrri /

Óskar Helgi Helgason

[Skaz, 2.5.2009 kl. 18:31]

Ég held að þetta sé nauðsynlegur þrýstingur með raunverulegri hótun fyrir nýja ríkisstjórn. Uppþornun á greiðslum til nýju bankanna og Íbúðalánasjóðs ásamt fleiri lánveitendum myndi valda þessum aðilum gífurlegum vandræðum og setja þá í nákvæmlega þá aðstöðu sem mörg heimili eru að stefna í eða jafnvel komin í.

Heimilin í landinu eru búin að þurfa að ganga á það litla sparifé sem bjargaðist úr hruninu, sumir hafa tekið út lífeyrinn sinn til að rétt fleyta sér yfir kafla sem það hélt að yrði aðeins styttri en nú virðist ætla að verða. Núna eru þessir peningar búnir. Farnir í verðbólguna, vísitöluhækkanir og gengishrunið.

Fólk er búið með varasjóðinn. Það er ekkert eftir til að borga meira, laun hafa staðið í stað eða jafnvel lækkað. Margir eru að uppgötva að launin dekka varla nauðsynjar s.s. mat, samgöngur eða heilbrigðiskostnað hvað þá síhækkandi og löngu óviðráðandleg lán sem allar forsendur fyrir að greiða eru brostnar.

Öryggistíminn sem fólk átti með varasjóðum er búinn og það var sá tími sem ríkisstjórnin hafði til að vinna með, og ef það er að koma í ljós núna að ekkert að ráði var gert nema að bíða og sjá og redda þeim sem strax fóru í gjaldþrot. Þá var það sóaður tími sem undirbjó aðeins jarðveginn fyrir að fleiri þurfa nú þessa sérstöku meðferð í gjaldþrotum.

Markmiðið var auðvitað að hindra fleiri gjaldþrot, eða hefði átt að vera það. Ekki bara að gera gjaldþrot mýkri. 

Eða það var svona það sem ég hélt?

[Guðjón Atlason (IP-tala skráð) 2.5.2009 kl. 18:38]

Ég held að þú hljótir að hafa étið úldinn frosk.... Þessi ríkisstjórn mun ekki gera neitt í málefnum skuldunauta íbúðarlána. Þau hafa meira segja sagt það hátt og skýrt - Munum aðeins hjálpa þeim sem falla fram af... með velferðarbrú - skella þeim í félagslega styrkja og eymingjakerfið. Nei, þessi ríkisstjórn og sú sem er sennilega að fæðast illu heilli.. hún mun ekki koma heimilunum til bjargar. Það er of gott fyrir fjölskyldur að eiga blokkaríbúð eða lítið raðhús, allt of gott....

[Magnús Vignir Árnason, 3.5.2009 kl. 01:09]

Gáið að því að þið eruð ennþá að skammast út í þá sem að eru að moka flórinn en ekki þá sem að hægðu sér í hann, og það löngu áður en hægt er að ætlast til að verkið sé einu sinni hálfnað.

[Óskar Helgi Helgason (IP-tala skráð) 3.5.2009 kl. 01:36]

Komið þið sælir; á ný !

Vignir minn !

Hvaða flór; eru þau að moka ? Jú; kannski eigin flóðgáttir, undir bakhluta sjálfra sinna, eða hvað ?

Á ég; að hnippa í þig, árið 3009, og athuga hvenig gengið hafi ?

Er þér ekki sjálfrátt; fornvinur kær ?

Hvaða andskotans hug mengunar móða - liggur nú, yfir Selfoss plássi, ágæti drengur ?

En; með hinum beztu kveðjum samt - sem ætíð áður /

Óskar Helgi Helgason 

[Kristinn (IP-tala skráð) 3.5.2009 kl. 08:33]

Þú kallaðir aldeilis á umræðuna.  Það er ekki gott að setjast í ríkisstjórn eftir átján ára valdatíð hægri aflanna með ríkissjóðinn alveg á hausnum og heimilin og fyrirtækin í landinu öskrandi á hjálp.  Vonandi tekst þeim að gera kraftaverk.

[Héðinn Björnsson, 4.5.2009 kl. 11:46]

Ég held að það sem fólk vilji hellst af öllu sjá sé að stjórnvöld sýni þeim skilning og sýni að þau ætli sér að dreyfa byrðunum jafnar en gerðist sjálfkrafa við hrunið þar sem skuldarar lenntu með allt of stóran hluta af byrðum samfélagsins. Hrokafull svör Jóhönnu í fretunum í gær voru algerlega óabyrg og til þess fallin að auka hættuna á friðrofi í samfélaginu okkar.